Samfara hækkandi aldri og auknum þroska þá eru gerðar meiri kröfur til þátttöku unglinga í flóknum athöfnum daglegs lífs líkt og við nám, samskipti við jafnaldra, persónulegt hreinlæti, hreyfingu og áhugamál. 

Á Gló Æfingastöð fer fram fjölbreytt hópastarf fyrir unglinga og ungt fólk. Í hópunum er unnið markvisst að skilgreindum þörfum þátttakenda. Þátttaka í hópi er áhrifarík leið til að ná markmiðum í öruggu og jákvæðu umhverfi með jafningjum þar sem ólíkir styrkleikar þátttakenda nýtast og tækifæri skapast til að styðja við hvort annað.