Æskuvinir Reykjadals er nýtt tómstundatækifæri á vegum Reykjadals fyrir þau sem eiga minningar úr dalnum. Klúbburinn er ætlaður fólki 30 ára og eldri sem dvaldi í Reykjadal sem börn eða ungmenni. Markmiðið er að viðhalda tengslum og rækta vináttu með árlegum hittingum og virkri þátttöku í starfi Gló.

Þátttökugjaldið er 3.900 krónur á ári og jafngildir árlegu félagsgjaldi Gló. Umsóknarform er hér að neðan.

Með aðild að Æskuvinum Reykjadals geta meðlimir jafnframt orðið fullgildir félagsmenn Gló án aukakostnaðar og þannig haft raunveruleg áhrif á þróun og mótun þjónustunnar. Félagsfólk gegnir lykilhlutverki í starfi Gló og rödd þeirra sem þekkja dalinn, muna söguna og vilja leggja sitt af mörkum skiptir máli.

Myndir frá fyrsta hittingi Æskuvina Reykjadals 2025. Pallaball, grill, endurfundir og samvera í sólinni – og auðvitað sundferð í bestu laug landsins. Stemningin var ekki síðri en í gamla daga.