Fjölskyldufrí Reykjadals er dýrmætt tækifæri fyrir fjölskyldur fatlaðra barna til að fara saman í frí, njóta stuðnings og tengjast öðrum fjölskyldum í svipuðum sporum.

Fjölskyldufríið er vettvangur fyrir börn og fjölskyldur þeirra til að kynnast starfsemi Reykjadals, upplifa ævintýri og ferðast saman um landið í öruggu og skipulögðu umhverfi. Foreldrar fá tækifæri til að mynda tengsl, deila reynslu og læra hvert af öðru, á meðan starfsfólk Reykjadals er til staðar í ferðum og afþreyingu og styður sérstaklega við barna- og systkinahópinn. Einnig hefur verið boðið upp á markvissan stuðning og ráðgjöf fyrir foreldrahópinn. Fjölskyldufríin hafa verið haldin víða um land, meðal annars í Vík í Mýrdal, Húsavík, Stykkishólmi og Reykholti í Borgarfirði.

Fjölskyldufrí Reykjadals er er háð styrkveitingum ár hvert. Undanfarin ár hefur verkefnið notið stuðnings frá Félags- og vinnumarkaðsráðuneytinu. Þegar fjármögnun liggur fyrir opnum við fyrir umsóknir, kynnum verkefnið á samfélagsmiðlum og auglýsum eftir þátttakendum.