Við trúum því að öflugt samstarf byggist á sameiginlegum gildum og markmiðum. Við bjóðum fyrirtækjum, stofnunum og félagasamtökum upp á ýmis samstarfstækifæri sem styðja við markmið þeirra og skapa um leið jákvæð og skýr samfélagsleg áhrif.
Af hverju að vinna með Gló?
Samstarf við Gló getur:
- styrkt samfélagslega ábyrgð fyrirtækisins
- aukið þátttöku starfsfólks og teymisanda
- skapað jákvæð og sýnileg samfélagsleg áhrif
- tengt fyrirtæki við málefni sem skiptir sköpum fyrir fjölskyldur um land allt
Leiðir til að vinna með Gló
Verða samstarfsaðili verkefnis
Fyrirtæki geta orðið samstarfsaðilar Gló og stutt við fjölbreytt verkefni á okkar vegum. Samstarfið getur til dæmis tengst ákveðnum verkefnum, viðburðum eða starfsemi Reykjadals eða Gló Æfingastöðvar.
Styðja með gjöfum eða búnaði
Fyrirtæki geta lagt sitt af mörkum með gjöfum, búnaði eða vinnuframlagi sem styður við starfsemi Gló, uppbyggingu á aðstöðu eða til sérstakra verkefna. Slíkur stuðningur hefur bein og áþreifanleg áhrif fyrir börn og ungmenni sem taka þátt í starfinu.
Samfélagssamstarf fyrirtækja
Samstarf við Gló getur verið hluti af samfélagslegri ábyrgð fyrirtækja. Stuðningur getur verið í formi styrkja, gjafa, vöruframlags eða sameiginlegra átaksverkefna.
Þátttaka starfsfólks
Samstarf getur einnig skapað tækifæri fyrir starfsfólk fyrirtækja til að taka þátt í góðu málefni – til dæmis með sjálfboðaliðastarfi, vinnustaðasöfnun eða öðrum sameiginlegum verkefnum sem efla teymisanda.
Skapandi samstarf
Við erum alltaf opin fyrir nýjum hugmyndum að samstarfi. Fyrirtæki geta til dæmis staðið fyrir viðburðum eða söfnunarátökum sem vekja athygli á starfi Gló og styðja við verkefni sem skapa tækifæri í stað takmarkana.
Spjöllum saman
Okkur finnst alltaf gaman að ræða nýjar hugmyndir eða möguleika á samstarfi. Hafið samband og við skoðum saman hvernig við getum skapað samstarf sem hentar ykkar fyrirtæki og starfsfólki.
Nánari upplýsingar veitir:
Kristín Dagmar Jóhannesdóttir
Markaðs- og fjáröflunarstjóri Gló
📞 +354 836 3923
📩 kristindagmar@glofelag.is
Dæmi um samstarfsverkefni Gló:
TVG-Zimsen er samstarfsaðili Gló með flutningi á Kærleikskúlunni til landsins og til söluaðila okkar víða um land.
Fjöldi fagfólks og fyrirtækja studdi okkur þegar kom að framkvæmdum, kaupum á tækjabúnaði, uppsetningu og ráðgjöf við endurbætur laugarinnar í Reykjadal. Við viljum þakka sérstaklega Bjargarlögnum, Hitatækni, S. Hermann og Tengi fyrir faglega ráðgjöf og stuðning í öllu ferlinu.
Fjöldi félagasamtaka styðja okkur með kaupum á búnaði. Kiwanisklúbburinn Höfði gaf nýlega nýtt útigrill og sófa í Reykjadal.
Tæknideild Deloitte á Íslandi hélt góðgerðadag fyrir jólin og pakkaði Kærleikskúlunni 2025 af elju og alúð ásamt frábæru starfsteymi Ás styrktarfélags.
