F-orðin í þroska og þátttöku í nýjum búningi hjá Gló
Í samstarfi við auglýsingastofuna Tvist hefur Gló þróað nýtt sjónrænt efni fyrir F-orðin í þroska og þátttöku í tilefni af 70 ára afmæli Gló Æfingastöðvar í ár. Markmiðið var að skapa útlit sem endurspeglar betur fjölbreytnina, leikgleðina og hlýjuna sem einkennir starfsemi Gló og nálgun F-orðanna sjálfra.
F-orðin eru mikilvæg leiðarljós í starfi Gló Æfingastöðvar og hjálpa okkur að horfa á styrkleika, þátttöku og það sem skiptir raunverulega máli í lífi barna og ungmenna. Markmiðið er að styðja börn og ungmenni til þátttöku í fjölskyldulífi, leik, skóla og samfélagi — á þeirra eigin forsendum.
F-orðin eru styrkleikamiðað líkan sem leggur áherslu á sex lykilorð: færni, fjölskyldu, form, fjör, félaga/vini og framtíð. Nálgunin færir fókusinn frá takmörkunum yfir í þátttöku, tengsl, styrkleika og lífsgæði í daglegu lífi barna og fjölskyldna.
