Gló Æfingastöð leitar að öflugum iðjuþjálfa í fjölbreytt starf

Gló Æfingastöð óskar eftir að ráða öflugan iðjuþjálfa í fjölbreytt starf með börnum og fjölskyldum þeirra, þátttöku í stefnumótun og nýsköpun í starfi. Um er að ræða 100% stöðu, en möguleiki er á minna starfshlutfalli ef þess er óskað.

Um okkur

Gló Æfingastöð er þjónustu- og þekkingarmiðstöð í snemmtækri íhlutun og endurhæfingu barna og ungmenna. Hjá okkur starfa iðjuþjálfar og sjúkraþjálfarar í öflugu teymi með aðstoðarfólki og skrifstofu. Við leggjum áherslu á fjölskyldumiðaða þjónustu og samstarf við nærumhverfi með það að marki að efla þátttöku barna og ungmenna.

Á Gló Æfingastöð fer meðal annars fram öflugt hópastarf, þjálfun í sundlaug, sjúkraþjálfun á hestbaki og iðjuþjálfun með hund. Þjálfarar fara mikið út í leikskóla og skóla með ráðgjöf og íhlutun og erum einnig í samstarfi við íþróttahreyfinguna.

Starfskjör og starfsandi

Fjölskylduvænn vinnustaður með 36 tíma vinnuviku
Góðir möguleikar á sveigjanleika í starfi
Frábær starfsandi og öflugt starfsmannafélag - „Frú Margrét“ stendur fyrir skemmtilegum viðburðum allt árið
Sterk endurmenntunarstefna, m.a. styrkir úr Starfsmenntunarsjóði og Starfsþróunarsetri BHM
Laun eru samkvæmt gildandi kjarasamningi BHM og fjármála- og efnahagsráðherra f.h. ríkissjóðs, auk stofnanasamnings Gló stuðningsfélags við Iðjuþjálfafélag Íslands.
Gefið er frí á launum milli jóla og nýárs

Hæfniskröfur

Íslenskt starfsleyfi frá Embætti landlæknis
Góð hæfni í mannlegum samskiptum og jákvætt viðhorf
Skipulagshæfni, frumkvæði og sjálfstæði í vinnubrögðum
Íslenskukunnátta áskilin

Við hvetjum öll til að sækja um!

Umsóknarfrestur er til og með 21. júní 2026 í netfang gunnhildur@glofelag.is

Nánari upplýsingar veitir Gunnhildur Jakobsdóttir, yfiriðjuþjálfi Gló Æfingastöðvar í netfang: gunnhildur@glofelag.is eða síma 6950272.

Nýlegar fréttir

Æfingastöð

Æfingastöð