Jólaóróinn 2020 - Bjúgnakrækir
Jólaóróinn 2020 er Bjúgnakrækir eftir Sigga Odds og kvæði eftir Þórdísi Gísladóttur, rithöfund.
Allur ágóði af sölunni rennur starfs í þágu fatlaðra barna og ungmenna. Jólaóróinn er framleiddur í takmörkuðu upplagi og kemur í fallegri gjafaöskju.
Bréf til Bjúknakrækis
Kæri Bjúgnakrækir!
Ég vil vara þig við,
nútíminn gæti valdið vonbrigðum.
Þú finnur hvergi reykfyllt rjáfur
þar sem bjúgu
hanga í loftbitum.
Fyrr rekst þú á flatbökur,
grænkerakrásir og franskar kartöflur
en uppáhaldsmatinn þinn.
En treystu mér
og taktu nú eftir,
ég vil trúa þér fyrir dálitlu.
Þú munt kætast
ef þú laumast
inn í kæliklefa kjörbúðar.
Þar leynast bjúgu í lofttæmdum umbúðum
og handhægum bökkum sem hita má í örbylgjuofni.
Og bestu fréttirnar eru þær
að sumar búðir eru opnar allan sólarhringinn.
Þórdís Gísladóttir